2016 թվականից ի վեր Դի-Վի-Վի Ինթերնեյշնալի տարածաշրջանային գրասենյակը (Թբիլիսի) համակարգում է Կովկասի և Հարավարևելյան Եվրոպայի գրասենյակների աշխատանքը և երկրների միջև համագործակցությունը։ Նշված տարածաշրջանում Դի-Վի-Վի Ինթերնեյշնալը գործունեություն է ծավալում Հայաստանում, Բոսնիա և Հերցեգովինայում, Վրաստանում և Կոսովոյում։
Խորհրդային միության անկումից հետո Կովկասում սկիզբ առավ քաղաքական և տնտեսական բարեփոխումների մի գործընթաց, որը դեռ շարունակվում է և ուղեկցվում տարբեր խնդիրներով։ Կայուն ժողովրդավարական համակարգերի և գործունակ շուկայական տնտեսությունների ստեղծման ճանապարհին մեր գործընկեր երկրների՝ Հայաստանի և Վրաստանի բնակչության մի զգալի մաս ապրում է աղքատության և բարձր գործազրկության պայմաններում։ Դրա արդյունքում ստեղծված անհեռանկար իրավիճակը հանգեցնում է զանգավածային արտագաղթի։
Միևնույն ժամանակ տարածաշրջանի տնտեսական եւ սոցիալական զարգացման կարեւորագույն նախադրյալներից մեկը աշխատաշուկայի նոր պահանջներին համապատասխանելն է և այս առումով մասնագիտական վերապատրաստումների մեծ կարիք կա: Դի-Վի-Վի Ինթերնեյշնալն աջակցում է հայաստանյան և վրաստանյան իր գործընկերներին արդյունավետ շուկայամետ ոչ ֆորմալ կրթական ծրագրերի մշակաման և իրականացման գործում՝ համագործակցելով թե՛ կառավարությունների, թե՛ քաղաքացիական հասարակության հետ:
Հարավսլավիայի փլուզումից հետո Կոսովոն ու Բոսնիան և Հերցեգովիննան բախվել եմ նույն խնդիրներին, որոնք շատ տարբեր չեն Հայաստանի և Վրաստանի իրավիճակից: Այստեղ ևս մինչ օրս առկա է Կովկասում. աղքատության և գործազրկության բարձր մակարդակ, հուժկու աշխատանքային միգրացիա և որպես տարածաշրջանի առանձնահատկություն` ազգամիջյան հակամարտություններ։
Հետևաբար Հարավարևելյան Եվրոպայի գործընկեր երկրներում մեր հիմանական նպատակներն են մեծահասակների կրթության առկա կառույցների արդիականացումը, մեծահասակների կրթության հասանելիության ապահովումը ինչպես նաև մատուցվող ծառայությունների որակի բարելավումը։ Խոսքը վերաբերում է այնպիսի միջամտությունների, որոնք
Հարավարևելյան Եվրոպայի ինտեգրումը Եվրամիությանը նույնպես հատուկ ուշադրության է արժանանում։ Քաղաքացիական հասարակության և պետական կառավարման ոլորտի մեր գործընկերների փորձառությունը կրթության տեսանկյունից ԵՄ-ի հետ մերձեցման հնարավորությունների և մարտահրավերների մասով բավական տարբեր են։ Հաշվի առնելով այս իրողությունը` Դի-Վի-Վի Ինթերնեյշնալը նպաստում է Հարավարևելյան Եվրոպայի եւ եվրոպական գործընկերների միջև փորձի փոխանակմանը։ Հատուկ մշակված ուսուցողական այցերի, միջազգային համաժողովների և Մեծահասակների կրթության եվրոպական ասոցիացիայի միջոցով Դի-Վի-Վի Ինթերնեյշնալը առաջարկում է տեխնիկական փորձագիտություն և աջակցում համակարգի վերակառուցմանը, որտեղ յուրաքանչյունը կունենա կրթություն ստանալու հնարավորություն։
Տարածաշրջանային մակարդակում Դի-Վի-Վի Ինթերնեյշնալը նպաստում է Կովկասի և Հարավարևելյան Եվրոպայի գործընկեր երկրների միջեւ փորձի փոխանակմանը համատեղ նախագծային աշխատանքների, կանոնավոր հանդիպումների և այլ միջոցառումների միջոցով: