Ս/թ մարտ-ապրիլ ամիսներին կայացավ «Թվային ուսուցումը մեծահասակների կրթությունում» 6-շաբաթյա դասընթացը, որի նպատակն էր մեծահասակների կրթություն իրականացնող մասնագետների թվային կոմպետենցիաների ձևավորումը և հմտությունների զարգացումը։ Այս մոդուլը հիմնված է Curriculum globAle մեթոդաբանության վրա և հանդիսանում է «Մեծահասակների ուսումնառության և կրթության հիմունքներ․ դասավանդման մեթոդաբանություն» դասընթացի լրացուցիչ մոդուլ։ Մոդուլում ներգրավված էին նախորդ տարիներին ամբողջական դասընթացին մասնակցած մոտ 20 մասնակիցներ, որոնցից 14-ը ներկայացրեցին ավարտական պորտֆոլիո՝ կազմված կրթական նյութից, որոնք պատրաստել էին նոր յուրացված թվային գործիքներով և ստացան հավաստագրեր։
Դասընթացի ընթացքում մասնակիցները ուսումնասիրեցին 20-ից ավելի թվային հարթակներ ու գործիքներ, սովորեցին ստեղծել ու աշխատել թվային գրատախտակներով, համատեղ աշխատանքի հարթակներով, ստեղծել վիկտորինաներ, առցանց սառույցկոտրուկներ, վեբինարներ, ինչպես նաև ստեղծել ուսումնական ինտերակտիվ տեսանյութեր, պոդքաստներ, ինտերակտիվ աշխատանքային տետրեր և այլն։ Դասընթացի առանձին և կարևորագույն մաս էր կազմում նաև դասընթացավարի թվային կոմպետենցիաների գնահատումը և զարգացումը, թվային ուսուցման դիդակտիկ մոդելների ուսումնասիրությունը։
Դասընթացը վարում էին հմուտ դասընթացավարներ Ալյոնա Լուգավցովան և Սերոբ Խաչատրյանը։
Սկիզբ
Տպել