DVV International-ის საქართველოს ოფისი 2002 წელს დაფუძნდა. იმის გათვალისწნებით, რომ საქართველოს მოსახლეობის მნიშვნელოვანი ნაწილი ჯერ კიდევ არ არის ქვეყნის ახალგაზრდა საბაზრო ეკონომიკაში ინტეგრირებული, განათლებას სიღარიბის დაძლევისთვის, აქტიურ სამოქალაქო მონაწილეობასა და მდგრად განვითარებას მოწინავე ადგილი უჭირავს DVVI-ის დღის წესრიგში.

წლების განმავლობაში, DVVI სამმაგ სტრატეგიას მიმართავს: ერთი მხრივ, ის საგანმანათლებლო სექტორის ინსტიტუციურ განვითარებასა და შესაბამისი აქტორების განვითარებას უწყობს ხელს. მეორე მხრივ, DVVI ახორციელებს პროექტებს, რომლებიც სიღარიბესა და მდგრად გარემოს ეხება. ამასთანავე, DVVI ცდილობს, მეტი პოლიტიკური ყურადღება მიაპყროს ზრდასრულთა განათლებისა (AE) და განვითარების გარკვეულწილად იგნორირებული საკითხებს.

DVV International-ი, როგორც მოწინავე ორგანიზაცია AE-ის სფეროში, ცდილობს საქართველოში დაამკვიდროს მთელი სიცოცხლის მანძილზე სწავლის (LLL) პრინციპები, ღირებულებები და საუკეთესო საერთაშორისო პრაქტიკები, რაც აუცილებელია იმისთვის, რომ მოქალაქეებმა გამოიყენონ შესაძლებლობები საკუთარი თავისთვის, საზოგადოებისთვისა და მთელი ქვეყნისთვის.

DVV International-ის საქართველოს ოფისის მიზანია ზრდასრულთა არაფორმალური განათლების სისტემის მუდმივი განვითარების ხელშეწყობა. ამ მიზნის მისაღწევად, ევროპული მოდელის (გერმანული სახალხო უნივერსიტეტების მოდელზე აქცენტით) შემოტანა და საქართველოს მოთხოვნებზე ადაპტირება განხორციელდა. 

DVV International-ის საქართველოს ოფისი თავის პროექტებს გერმანიის ეკონომიკური თანამშრომლობისა და განვითარების ფედერალური სამინისტროს (BMZ), გერმანიის საგარეო საქმეთა სამინისტროს (AA ოფისი), ევროკავშირისა და გაეროს სააგენტოების დაფინანსებით ახორციელებს.   

საქმიანობის ძირითადი მიმართულებები:

• სიღარიბის დაძლევა კარიერული დაგეგმვისა და დასაქმების  პროგრამების მეშვეობით;
• პროგრამები და აქტივობები, რომლებიც ორიენტირებულია ცოდნისა და უნარების შეძენაზე, და მცირე ბიზნესისა და სამეწარმეო უნარების შეძენა-განვითარების ინიციატივების განვითარებაზე;
• კულტურული და სამოქალაქო ცნობიერების ამაღლების პროგრამები;
• კონფლიქტების მოგვარება და მშვიდობის დამყარება;
• ნეთვორქინგი;
• AE-ის პროფესიონალიზაცია განმანათლებლებისთვისა და ტრენერებისთვის შესაძლებლობების განვითარების პროგრამების მეშვეობით და ზრდასრულთა პროგრამების ჩართვა ფორმალური განათლების კურიკულუმში;
• ქვეყანაში AE-ის საკითხების ადვოკატირება, ცნობადობის ამაღლება და ლობირება AE-ის ინსტიტუციებისა და სტრუქტურების გაძლიერებისთვის გამოიწვევს AE-ის დამოუკიდებელ განათლების სექტორად და LLL-ის განუყოფელ ნაწილად აღიარებას;
• AE-ის ინტერნაციონალიზაცია ევროპული ექსპერტიზის გამოყენებით და ერთობლივი პროექტებისა და აქტივობების ინიცირებით ზრდასრულთა განათლების გერმანულ პროვაიდერებთან თანამშრომლობით.