Արևելյան գործընկերության և Կենտրոնական Ասիայի երկրների բանտային կրթության միջազգային ցանցը (այսուհետ՝ Ցանց) ստեղծվել է 2017թ․ մայիսին և պաշտոնապես սկսել է գործել 2017թ․ հուլիսի 18-ին։
Այն համախմբել է Դի-Վի-Վի Ինթերնեյշնալի և գործընկերների փորձը Հայաստանում, Արևելյան գործընկերության երկրներում (Բելառուս, Ուկրաինա և Մոլդովա), ինչպես նաև Ղրղզստանում, Տաջիկստանում և Ուզբեկստանում՝ ի պաշտպանություն բանտարկյալների կրթության իրավունքի հասանելիության:
Ցանցը կազմակերպությունների և անհատների կամավոր միավորում է, որի նպատակն է խթանել քրեակատարողական հիմնարկներում, պրոբացիոն ծառայությունում կրթության իրավունքի իրացումը, նպաստել կրթության միջոցով բանտարկյալների (այդ թվում նախկին) հասարակություն վերաինտեգրմանը։
Ցանցը հիմնադրել են 13 կազմակերպություններ՝ ներառյալ 12 տեղական հասարակական և պետական կազմակերպություններ, ինչպես նաև Դի-Վի-Վի Ինթերնեյշնալը, որը մասնաճյուղերով ներկայացված է 7 երկրում (Հայաստան, Բելառուս, Ղրղզստան, Մոլդովա, Տաջիկստան, Ուզբեկստան և Ուկրաինա):
Ցանցի մասին ավելին տե՛ս այստեղ։
Ծրագրի համառոտ նկարագրություն
Ծրագրի նպատակն է զարգացնել և ընդլայնել մասնագիտական, միջազգային համագործակցությունը Հայաստանի, Բելառուսի, Մոլդովայի և Ուկրաինայի, տեղական գործընկերների միջև՝ ապրապնդելով գործընկեր ՀԿ-ների և Արևելյան գործընկերության և Կենտրոնական Ասիայի երկրների բանտային կրթության միջազգային ցանցի ինստիտուցիոնալ կարողությունները քրեակատարողական հիմնարկներում կրթության իրավունքին առնչվող հիմնախնդիրների կարգավորման ուղղությամբ։
Ծրագրի գործողությունները նպատակ ունեն բարձրացնել ՔԿՀ-ներում աշխատող ՀԿ-ների թիվը, ուժեղացնել բանտարկյալների և նախկին բանտարկյալների հետ աշխատելու նրանց կարողությունները և նրանց համար կազմակերպել նորարարական կրթական ծրագրեր, ինչպես նաև ուժեղացնել քաղաքացիական հասարակության դերակատարների փոխազդեցությունը լրատվամիջոցների և լրագրողների հետ։
Ծրագրի ուղղակի թիրախային խմբեր.
Անուղղակի թիրախային խմբեր. Թիրախային երկրներում գտնվող բանտարկյալներ (այդ թվում՝ նախկին), որոնց իրավունքները քննարկվում և խթանվում են հանրային քննարկումներում, ինչպես նաև՝ մասնակից երկրների քաղաքացիներ, որոնք կիրազեկվեն ծրագրի թեմայի վերաբերյալ։
Ծրագրի իրականացման երկրներ. Հայաստան, Բելառուս, Մոլդովա, Ուկրաինա.
Իրականացման ժամանակահատված. Սեպտեմբեր 2019 - Դեկտեմբեր 2020
Հիմնական գործողություններ.
Նախագիծն իրականացվում է Դի-Վի-Վի Ինթերնեյշնալի հետ համագործակցությամբ Գերմանիայի Արտաքին գործերի նախարարության ֆինանսական աջակցությամբ:
Հիմնական նպատակն է ` ամրապնդել քաղաքացիական հասարակության կազմակերպությունների կարողությունները Հայաստանում, Բելառուսում, Մոլդովայում և Ուկրաինայում տեղեկատվական արշավների պլանավորման և անցկացման գործընթացում` բանտարկյալների իրավունքների ջատագովության, նրանց նկատմամբ մարդկային արժանապատվության խթանման, ինչպես նաև կրթության իրավունքի իրացման և անձնային զարգացման ուղղությամբ, ինչպես նաև բարելավել Արևելյան գործընկերության և Կենտրոնական Ասիայի երկրների բանտային կրթության միջազգային ցանցի՝ PEN ցանցի ներքին պլալանավորման և կառավարման աշխատանքների գործընթացը։
Իրականացման ժամանակահատված. Մայիս - Դեկտեմբեր 2018
Ծրագրի մասնակիցներ. PEN միջազգային ցանցի անդամ Հայաստանի, Բելառուսի, Մոլդովայի, Ուկրաինայի կազմակերպություններ, նրանց գործընկերներ մշակույթի և իրավունքների պաշտպանության ոլորտից, ՔՀԿ-ների, պետական մարմինների և ԶԼՄ-երի ներկայացուցիչներ, դատապարտյալներ (այդ թվում՝ նախկին)
Հիմնական գործողություններ.
Նախագիծն իրականացվում է Դի-Վի-Վի Ինթերնեյշնալի հետ համագործակցությամբ Գերմանիայի Արտաքին գործերի նախարարության ֆինանսական աջակցությամբ: