2022 թվականի հունիս-դեկտեմբեր ամիսներին Դի-Վի-Վի Ինթերնեյշնալի հայաստանյան գրասենյակը իր գործընկեր Հանրային լրագրության ակումբի հետ համագործակցությամբ կիրականացնի «Մեծահասակների հզորացում մեդիագրագիտությամբ 2.0» ծրագրի երկրորդ փուլը, որի առաջին մասը իրականացվել է 2021թ.-ին։ «Մեծահասակների հզորացում մեդիագրագիտությամբ» ծրագրի երկու փուլեը ֆինանսավորվում են Գերմանիայի Դաշնային Հանրապետության արտաքին գործերի նախարարություն կողմից:

Ծրագրի նպատակն է նպաստել տեղեկատվական/մեդիագրագետ հասարակության ձևավորմանը և նվազագույնի հասցնել մեդիայի բացասական ազդեցությունները Հայաստանի խոցելի մեծահասակների վրա, որոնք առաջանում են ապատեղեկատվության, սխալ, թերի տեղեկատվության հետևանքով։

Ծրագրի հիմնական բաղադրիչներն են՝

• Թիրախային խմբի կարիքների խորը գնահատում:
• Մեդիագրագիտության իրազեկվածության և կրթության բարելավում նորարարական ռեսուրսների օգտագործմամբ։ Այս բաղադրիչը ներառում է դասընթացներ մեդիագրագիտության դասընթացավարների  և շահառու խմբերի համար, աշխատաժողովներ ուսուցիչների և համալսարանական դասախոսների մասնակցությամբ, շահառու խմբերի համար դասընթացներ, ինչպես նաև մեդիագրագիտության լրացուցիչ ռեսուրսների մշակում (Խաչբառների շարք, «ՄեդիաԳիտակ» սեղանի խաղի վերատպում և այլն):
• Փաստերի ստուգում և արդյունքների հանրայնացում Ինֆոդեմիա առցանց ծրագրի միջոցով:
• Փորձի փոխանակում Հայասատանի և Գերմանիայի մեդագրագիտության բնագավառի համայնքի տարբեր դերակատարների միջև:

Ծրագրի շահակից և շահառու խմբեր.

Մինչև 1500 մեծահասակներ (որից 250-ը՝ ուղղակի շահառուներ) կբարելավեն իրենց մեդիագրագիտության հմտությունները և քննադատական մտածողությունը՝ այդպիսով դառնալով ավելի ակտիվ քաղաքացիներ։ Շահառուների երեք հիմնական խմբերը կներառեն.

• 34-65 տարեկան մեծահասակներ (ինչպիսիք են տեղական ինքնակառավարման մարմինների ներկայացուցիչները, ծնողները, կանայք, տեղահանվածները, 7 համայնքներում և Երևանում վերապատրաստումների միջոցով):
• 18-25 տարեկան երիտասարդներ (զորացրվածներ, պատերազմից տուժածներ, Արցախից տեղահանվածներ, 7 համայնքներում և Երևանում վերապատրաստումների միջոցով):
• Ուսուցիչներ և համալսարանների պրոֆեսորադասախոսական կազմի երիտասարդ ներկայացուցիչներ, որոնք կներգրավվեն ծրագրի շրջանակներում մշակված մեդիագրագիտության ռեսուրսների օգտագործման աշխատաժողովներում:
• Լայն հասարակություն, որը Ինֆոդեմիա ծրագրի միջոցով ավելի լավ կհասկանա մեդիաբովանդակությունը, ապատեղեկատվությունը և մեդիա մանիպուլացիաները։

Իրականացնող, գործընկեր կազմակերպություններ՝ Դի-Վի-Վի Ինթերնեյշնալի հայաստանյան գրասենյակ, Հանրային լրագրության ակումբ

Ծրագրի աջակից՝ Գերմանիայի Դաշնային Հանրապետության արտաքին գործերի նախարարություն 

Ծրագրի ժամկետներ՝ 2022 թ․ հունիս – 2022 թ․ դեկտեմբեր