Հուլիսի 29-ից օգոստոսի 3-ը Դի-Վի-Վի Ինթերնեյշնալի հայաստանյան գրասենյակը կազմակերպել էր «Մեծահասակների ոչ ֆորմալ կրթության պրակտիկայում Curiculum GlobALE-ի կիրառման հիմունքները» խորագրով դասընթաց՝ մեծահասակների կրթության ոլորտի գործընկեր դասընթացավարների համար: Դասընթացն, ինչպես անցյալ տարի, այս անգամ նույնպես վարում էին Բելառուսից ժամանած փորձառու դասընթացավարներ Ալյոնա Լուգովցովան և Սերգեյ Լաբոդան: 6 օր շարունակ նրանք մասնակիցներին էին փոխանցում ուսուցման գործընթացի վերաբերյալ և՛ տեսական, և՛ պրակտիկ գիտելիքներ՝ արդիական մեթոդների միջոցով: Դասընթացի մասնակիցները Դի-Վի-Վի Ինթերնեյշնալի կողմից աջակցություն ստացող մեծահասակների կրության կենտրոնների ներկայացուցիչներ էին, փորձառու և խոստումնալից դասընթացավարներ, բանտային կրթության և մասնագիտական կողմնորոշման կառույցների ներկայացուցիչներ: Դասընթացի վերջում բոլորը հավաստիացնում էին, որ նախորդ վեց օրերը գերհագեցած էին, արդյունավետ և պարտավորեցնող: Դե իսկ Դի-Վի-Վի-ին սպասում է նրանց կողմից տրված խոստումների իրագործմանը և պլանավորում հետագա համատեղ աշխատանքները: