Հոկտեմբերի 5-ին մեկնարկեց Դի-Վի-Վի Ինթերնեյշնալի հայաստանյան գրասենյակի նախաձեռնած դասընթացավարների ակումբը, որը միավորում է մեծահասակների կրթության տարբեր ծրագրերում ներգրավված մի խումբ մասնագետների և կազմակերպությունների: Այս նախաձեռնությունը ծնվել է օգոստոսին կայացած դասընթացավարների վերապատրաստման ընթացքում: Այն ի սկզբանե կգործի որպես ոչ ֆորմալ հարթակ, որի մասնակիցները կկիսվեն նոր մեթոդներով, տեսություններով, ծրագրերով: Նախաձեռնողները և մասնակիցները հույս ունեն, որ առաջիկայում այն կվերաճի ավելի ֆորմալ ցանցի: