«ԿրթաԲԱՑ» թեմայով պաստառների մրցույթ

Դի-Վի-Վի Ինթերնեյշնալի հայաստանյան գրասենյակը հայտարարում է «ԿրթաԲԱՑ»  թեմայով պաստառների մրցույթ՝ համանուն արշավի շրջանակներում, որի նպատակն է մեծահասակների (18 և ավելի տարիք ունեցող անձանց) ուսումնառության և կրթության  հանրայնացումը և նվիրված է Հայաստանում Դի-Վի-Վի Ինթերնեյշնալի գործունեության 20-ամյակին: 

Դի-Վի-Վի Ինթերնեյշնալի հայաստանյան գրասենյակը հայտարարում է «ԿրթաԲԱՑ»  թեմայով պաստառների մրցույթ՝ համանուն արշավի շրջանակներում, որի նպատակն է մեծահասակների (18 և ավելի տարիք ունեցող անձանց) ուսումնառության և կրթության  հանրայնացումը և նվիրված է Հայաստանում Դի-Վի-Վի Ինթերնեյշնալի գործունեության 20-ամյակին: 

Պաստառների մրցույթի միջոցով ստեղծագործական արտահայտչամիջոցներովհանրայնացվելու են արշավի կարգախոսը, նպատակները և ուղերձները (այդ թվում՝ հեշթեգերը), որոնք կարող եք գտնել այստեղ՝ bit.ly/3xL0CAJ

 Մրցույթի պայմաններ և պահանջներ

Մրցույթը բաց է բոլորի համար։ Մրցույթին կարող են դիմել ինչպես անհատներ, այնպես էլ խմբեր։

Պատրաստի աշխատանքները պետք է ներկայացնել մինչև ս.թ. օգոստոսի 14-ը ներառյալ:

Լավագույն պաստառ(ներ)ի ընտրությունը կատարվելու է երկու փուլով.

Փուլ 1. Մասնագիտական ժյուրին ծանոթանալու է աշխատանքներին և գնահատելու պաստառի համապատասխանությունը թեմային, պաստառի գրավչությունն ու պարզությունը, ինչպես նաև ուղերձի հասանելի ներկայացումը։ 

Փուլ 2. Տեխնիկական և բովանդակային համապատասխանությամբ նախընտրված պաստառները սեպտեմբեր ամսին ներկայացվելու են բացօթյա ցուցահանդեսում ու առցանց հարթակներում՝ դրվելով բաց քվեարկության։

Հանրագումարային բարձր միավոր ստացած աշխատանքը կճանաչվի  հաղթող։

Հաղթող պաստառ(ներ)ն արժանանալու է (են) դրամական մրցանակի՝ 50․000-100․000 դրամի չափով (կախված հաղթող աշխատանքների քանակից):

Առանձին անվանակարգերով մրցանակներ են նախատեսված նաև հանդիսատեսի և Դի-Վի-Վի Ինթերնեյշնալի հայաստանյան գրասենյակի համակրանքին արժանանացած պաստառների  համար:

Լավագույն հինգ պաստառները կմասնակցեն 2022թ. Թբիլիսիում կայանալիք միջազգային կոնֆերանսին, որը նույնպես նվիրված է  Հայաստանում և Վրաստանում Դի-Վի-Վի Ինթերնեյշնալի գործունեության 20-ամյակին:

 

Պաստառներին ներկայացվող տեխնիկական պահանջներ

  • Պաստառները կարող են լինել ինչպես թվանշային, այնպես էլ ֆիզիկական (թղթի վրա),  հորիզոնական կամ ուղղահայաց,
  • Պաստառների չափը՝ A1 (594 x 841մմ),
  • Թվանշային պաստառներն անհրաժեշտ է ներկայացնել  
     էլեկտրոնային տարբերակով՝ ստորև նշված պարամետրերով  

ա) Ընթացիկ շրջանառության համար՝ RGB գունային ձևաչափում, առավելագույնը` 2119 х 3000 px,

բ) Վերջնական տպագրության համար`CMYK գունային ձևաչափում՝ JPEG, TIFF - 300 dpi (A1)  կամ վեկտորային տպագրական ֆայլեր՝ pdf, eps։

Ֆիզիկական պաստառներն անհրաժեշտ է լուսանկարել և ուղարկել մինչև օգոստոսի 14-ը ներառյալ, իսկ մինչև օգոստոսի 19-ը, ժամը 18։00-ն ներկայացնել Դի-Վի-Վի Ինթերնեյշնալի հայաստանյան գրասենյակ (հասցե՝ ք․ Երևան, Չարենցի 55Ա)։

  • Պաստառներում պետք է տեղ գտնեն Դի-Վի-Վի Ինթերնեյշնալի և «ԿրթաԲԱՑ» արշավի լոգոները, ինչպես նաև արտահայտեն ուղերձները, կարգախոսը, որոնք կարող եք գտնել այստեղ՝ bit.ly/3xL0CAJ
  • Ստեղծագործության իրականացման նյութը, գործիքները և մեդիաները (միջոցները)  ինչպես նաև պաստառի ոճը ազատ են:
  • Պաստառը ներկայացնելիս պետք է կցել նաև 0,5-1 էջ տեքստ, որը մեկնաբանում է մոտեցումը (պաստառի գաղափարը և ուղերձը, կիրառված նյութի/մեդիայի նպատակահարմարությունը, կիրառված նշանային համակարգի կամ այլ լուծումների պատճառաբանությունը և այլ)։
  • Նախապատվություն կտրվի այն պաստառներին, որոնք ավելի պարզ և մատչելի կներկայացնեն ուղերձը, կլինեն գրավիչ և ստեղծագործական:

 

Աշխատանքները՝ ուղեկցող տեքստով պետք է ուղարկել info@dvv-international.am և dvvarmenia@gmail.com  էլ. հասցեներին, թեմա (subject) բաժնում նշելով՝ «Պաստառների մրցույթ»։ Էլ. փոստով ուղարկվող նյութի առավելագույն ծավալը պետք է լինի 24MB:  Մեծ ծավալով նյութերի դեպքում անհրաժեշտ է բեռնել նյութերը www.wetransfer.com կամ այլ կայք և նամակին կցել հղումը:

 

 

 

 

VHS DVV International LogoBMZ Logo
ՔՈՒՔԻՆԵՐԻ ԿԱՐԳԱՎՈՐՈՒՄՆԵՐ
ԴՈՒՔ ԴՈՒՐՍ ԵՔ ԳԱԼԻՍ ԴԻ-ՎԻ-ՎԻ ԻՆԹԵՐԵՆԵՅՇՆԱԼԻ ԿԱՅՔԻՑ
Կարևոր ծանուցում. եթե սեղմեք այս հղմանը, դուրս կգաք Դի-Վի-Վի Ինեթերնեյշանլի կայքից: Դի-Վի-Վի Ինթերնեյշնալը պատասխանատվություն չի կրում այն կայքերի բովանդակության համար, որոնք կարող են հասանելի լինել այս հղումով։ Դի-Վի-Վի Ինթերնեյշնալը ոչ մի վերահսկողությունի չունի, թե Ձեր որ անձնական տվյալները հասանելի կդառնան կամ կօգտագործվեն այդ կայքերում։ Լրացուցիչ տեղեկությունների համար խնդրում ենք ծանոթանալ արտաքին կայքի գաղտնիության քաղաքականությանը։