COVID-19-ը որպես հնարավորություն․ առցանց կարողությունների զարգացում

Դի-Վի-Վի Ինթերնեյշնալի հայաստանյան գրասենյակի արձագանքը COVID-19 համաճարակին համակցված ուսուցման դասընթաց մշակել և իրականացնելն էր։

Դի-Վի-Վի Ինթերնեյշնալի հայաստանյան գրասենյակի արձագանքը COVID-19 համաճարակին  համակցված ուսուցման դասընթաց մշակել և իրականացնելն էր։ Դասընթացին մասնակցում էին գործընկեր մեծահասակների կրթության (ՄԿ) կենտրոնների դասընթացավարները։ Քանի որ համաճարակի պատճառով կրթական գործընթացները Հայաստանում արգելվեցին, դպրոցները և բուհերը դասերը շարունակեցին առցանց եղանակով։ Նույնը հնարավոր չեղավ մեծահասակների կրթության կենտրոնների համար, քանի որ դասընթացավարները, հատկապես նրանք, ովքեր դասավանդում էին խոհարարություն, վարսահարդարում կամ մատնահարդարում, չունեին համապատասխան թվային կարողություններ՝ դասընթացներն առցանց իրականացնելու համար։ 


Մենթորության միջոցով թվային կրթության կարողությունների բարելավում


Համակցված ուսուցման դասընթացը մշակեցին և անցկացրին Դի-Վի-Վի Ինթերնեյշնալի աշխատակիցներ և երկու փորձառու դասընթացավարներ՝ Միշա Թադևոսյանը և Ալլա Գևորգյանը։ Նախապատրաստական քննարկումների ժամանակ ՄԿ կենտրոնների ղեկավարները և Դի-Վի-Վի Ինթերնեյշնալի հայաստանյան թիմը գտան, որ միայն մեկ դասընթացը բավարար չէ և անհրաժեշտ են լրացուցիչ քայլեր՝ դասընթավարներին օժանդակելու վերափոխել դասընթացները։ Ահա այսպես առաջացավ մենթորության գաղափարը։ Մենթորների դերը կրթական նպատակներով տեխնոլոգիաների և թվային գործիքների կիրառման գործում դասընթացի մասնակիցներին օժանդակելն էր։ 


Մեծահասակների կրթության առցանց դասընթացի մշակում


Առցանց դասընթացին մասնակցեցին 18 հոգի՝ 14 դասընթացավար և 4 մենթորները։ Ներկայացվող թեմաների թվում էին համակցված ուսուցման  կրթական հարթակները, մոդելները, կառուցվածնքերը և այլն։ Դասընթացի առաջին և երկրորդ օրերը հաջորդեցին միմյանց, իսկ երրորդ հանդիպումը տեղի ունեցավ մի քանի օր անց, որպեսզի մասնակիցները ժամանակ ունենան աշխատելու անհատական առաջադրանքի վրա, այն է՝ իրենց դասընթացի հիմա վրա ստեղծել համակցված ուսուցման դասընթացի պարզեցված նախագիծ։ Դասընթացին հաջորդող մեկ ամսվա ընթացքում մենթի-մենթոր զույգերը պետք է այդ նախագծերը դարձնեին համապարփակ դասընթացի ծրագիր և ներկայացնեին նոր գործիքներ։ 
Դասընթացից հետո արված առցանց հարցումը ցույց տվեց, որ մասնակիցների 83%-ը բարելավել է պատկերացումները համակցված ուսուցման վերաբերյալ, ինչպես նաև զարգացրել առցանց հաղորդակցության հմտությունները, իսկ 44%-ը ձեռք է բերել տեխնոլոգիական նոր հմտություններ։ 
Ծրագրի զարգացումները ցույց տվեցին, որ կարողությունների զարգացման լրացուցիչ կարիք կա։ Համակցված ուսուցման դասընթացին և մենթորությանը հետևեց ևս  մեկ դասընթացի մշակում և իրականացում՝ այս անգամ մեծահասակների կրթության հիմունքների և գնահատման տարբեր մոտեցումների վերաբերյալ։ Մենթորների հետ ևս մեկ ամիս աշխատելուց հետո դասըթնացավարներն արդեն ունեն ավարտուն համակցված ուսուցման ծրագրեր, որոնք կիրառելի են և՛ «նորմալ», և՛ «նոր նորմալ» պայմաններում։ 
Ծրագրի արդյունքում մշակվեց 14 համակցված դասընթացի ծրագիր և ավելի քան 50 ռեսուրս՝ այդ թվում տեսանյութեր և սահիկահանդեսներ։ 
 

VHS DVV International LogoBMZ Logo
ՔՈՒՔԻՆԵՐԻ ԿԱՐԳԱՎՈՐՈՒՄՆԵՐ
ԴՈՒՔ ԴՈՒՐՍ ԵՔ ԳԱԼԻՍ ԴԻ-ՎԻ-ՎԻ ԻՆԹԵՐԵՆԵՅՇՆԱԼԻ ԿԱՅՔԻՑ
Կարևոր ծանուցում. եթե սեղմեք այս հղմանը, դուրս կգաք Դի-Վի-Վի Ինեթերնեյշանլի կայքից: Դի-Վի-Վի Ինթերնեյշնալը պատասխանատվություն չի կրում այն կայքերի բովանդակության համար, որոնք կարող են հասանելի լինել այս հղումով։ Դի-Վի-Վի Ինթերնեյշնալը ոչ մի վերահսկողությունի չունի, թե Ձեր որ անձնական տվյալները հասանելի կդառնան կամ կօգտագործվեն այդ կայքերում։ Լրացուցիչ տեղեկությունների համար խնդրում ենք ծանոթանալ արտաքին կայքի գաղտնիության քաղաքականությանը։