ვიწვევთ DVV International-ის მიერ 2005-2020 წლებში დაფუძნებულ ზრდასრულთა და სათემო განათლების ცენტრებს მონაწილეობა მიიღონ დახურულ საგრანტო კონკურსში „ინოვაცია ზრდასრულთა განათლებაში“.
განცხადების მიღება იწარმოებს ელექტრონულად, ა.წ. 5 აპრილის 18:00სთ-მდე.
პროექტები უნდა ასახავდნენ ინოვაციურ იდეებს ზრდასრულთა განათლებაში, რომლებიც, გრძელვადიან პერსპექტივაში, ხელს შეუწყობენ არსებული საზოგადოებრივი პრობლემების ეფექტურად მოგვარებას.
პროექტი უნდა სრულდებოდეს არაუგვიანეს 2021 წლის 30 ნოემბრისა.
საპროექტო განაცხადით მოთხოვნილი თანხა უნდა იყოს მინიმუმ 5000 ევრო და მაქსიმუმ - 10000 ევროს ფარგლებში.
პროექტები წარმოდგენილი უნდა იყოს ქართულ ენაზე, გარდა საპროექტო განაცხადის პირველი პუნქტისა. პროექტთან დაკავშირებული ყველა დოკუმენტი გამოგზავნილი უნდა იყოს ერთიან PDF დოკუმენტად, ხოლო დოკუმენტის დასახელება უნდა მოიცავდეს აპლიკანტი ორგანიზაციის სახელწოდებას.
კონკურსში მონაწილეობის მსურველებმა გთხოვთ, შეავსოთ განაცხადის ელექტრონული ფორმა (იხ. თანდართული დოკუმენტები: Word; Excel) და მოგვაწოდოთ შემდეგ ელექტრონულ მისამართზე: dvv.innovationfund@gmail.com
კონკურსის შედეგები აპლიკანტებს ეცნობათ ელექტრონული ფოსტის მეშვეობით, არაუგვიანეს ა.წ. 30 აპრილისა.
კითხვების შემთხვევაში, შეგიძლიათ, მოგვწეროთ ზემოთ მითითებული ელექტრონული ფოსტის მისამართზე.
საწყისი
ბეჭდვა