Fakulteti i Edukimit të Universitetit të Prishtinës (UP) “Hasan Prishtina”, më 13 dhe 14 tetor 2022, ka mbajtur punëtorinë dy-ditore në kuadër të projektit “Institucionalizimi i programit të trajnimit “Curriculum globALE””, të mbështetur nga DVV International në Kosovë.
Pjesëmarrës në punëtorinë që kishte në fokus analizën e nevojave të mësimdhënësve dhe trajnerëve për njohuri bazë Andragogjike, ishin mësimdhënës, trajner, zyrtarë e përfaqësues nga institucionet publike për arsim dhe aftësim profesional.
Gjatë kësaj punëtorie u përcaktuan pjesëmarrësit që do të trajnohen për nivelin Master-trajner për modulet 1-5 të “Curriculum globALE”.
Ndryshe, lansimi i “Curriculum globALE” në kuadër të Fakultetit të Edukimit është bërë më 29 qershor 2022.
Versioni i fundit i përditësuar i CG u zhvillua së bashku nga: DVV International; Instituti Gjerman për Arsimin e të Rriturve (DIE); Këshilli Ndërkombëtar për Arsimin e të Rriturve (ICAE); Instituti i UNESCO-s për Mësimin gjatë gjithë Jetës (UIL).
Më lartë
Printo