Ապրիլի 13-ին Հնագիտության և ազգագրության ինստիտուտում տեղի ունեցավ «Չլսվող ձայներ. հիշողությունն ու հետհիշողությունը բանավոր պատմություններում» գրքի շնորհանդեսը: Գիրքը կազմված է Դի-Վի-Վի Ինթերնեյշնալի աջակցությամբ ստեղծված Բանավոր պատմության կենտրոնի ուսանողների հոդվածներից: Հոդվածներում բարձրաձայնվում են տարբեր խմբերին (կանանց, փախստականների, ուսուցիչների, ցեղասպանության երկրորդ և երրորդ սերունդների, պատերազմին մասնակցած զինվորների, Հայաստանում բնակվող թուրքերի) կամ իրադարձությունների (Ապրիլյան պատերազմ, Թավշյա հեղափոխություն) և երևույթների (խորհրդային շրջանում կրոնական պատկերացումների և ծեսերի) հետ կապված մինչ օրս գրեթե չբարձրաձայնված խնդիրներ, որոնց միավորում է հետազոտական հիմնական մեթոդը՝ բանավոր պատմությունը:
Գիրքը կարող եք ձեռք բերել Դի-Վի-Վի Ինթերնեյշնալի գրասենյակից կամ ՀՀ ԳԱԱ Հնագիտության և ազգագրության ինստիտուտից: