Փետրվարի 26-ին Դի-Վի-Վի Ինթերնեյշնալի հայաստանյան գրասենյակը և Երևանի պետական համալսարանը կնքեցին փոխըմբռնման հուշագիր։
ԵՊՀ-ի հետ համագործակցության շրջանակում նախորդ տարիներին, արդեն իսկ, իրականացվել են մի շարք ծրագրեր, որոնք նախատեսվում է շարունակել՝ համալրելով նոր ու հետաքրքիր ծրագրերով։
Հուշագրով ամրապնդվում է 2025-2027թթ․ նախատեսվող հետևյալ գործողությունները Դի-Վի-Վի Ինթերնեյշնալի օժանդակությամբ ․
- «Մեծահասակների ուսումնառության և կրթության հիմունքներ դասավանդման մեթոդաբանություն» դասընթացի իրականացում ԵՊՀ դասախոսների համար, այնուհետև դասընթացի փոխանցում ԵՊՀ-ին
- ԵՊՀ ուսուցման և կառավարման e-learning համակարգում Curriculum globALE-ի «Թվային մոդուլի» տեղադրում և իրականացում ԵՊՀ դասախոսների համար։
- Մեծահասակների ուսումնառության բնագավառի հետազոտական և հանրահռչակման նախաձեռնություններ, մասնավորապես՝ Հայաստանի սովորող/ուսուցանող քաղաքների հետազոտության իրականացում՝ ուսանողներից և դասախոսներից բաղկացած հետազոտական խմբերի միջոցով։
- «Անդրագոգիա» դասընթացի մշակում, ներմուծում և իրականացնել ԵՊՀ կրթական ծրագրերում:
ԵՊՀ գրադարանի հետ համատեղ ջանքերով ոչ ֆորմալ կրթության ծրագրերի իրականացում տարբեր եղանակներով՝ խթանելու ընթերցանությանն ու ակտիվ ուսումնառությանը։
Հուշագրի համաձայն՝ «Դի-Վի-Վի Ինթերնեյշնալը» և ԵՊՀ-ն կաշխատեն ոչ ֆորմալ կրթության ծրագրերի մշակման և հանրայնացման ուղղությամբ, ինչպես նաև կմշակեն նորարարական ուսումնական մոդուլներ, որոնք կհամապատասխանեն ժամանակակից պահանջներին։