2019 წლის ივნისში, DVV International-ის საქართველოს ოფისმა ჩაატარა კვლევა „ადგილობრივი მუნიციპალიტეტის წარმომადგენელთა ინფორმირებულობა ზრდასრულთა განათლებისა და მთელი სიცოცხლის მანძილზე სწავლის შესახებ“. კვლევა მიზნად ისახავდა, გამოევლინა ადგილობრივი მუნიციპალიტეტების წარმომადგენლების ცოდნა, დამოკიდებულე-ბა და საჭიროებები ზრდასრულთა განათლების სფეროში. ამისთვის, კვლევითმა ჯგუფმა შექმნა თვითადმინისტრირებადი კითხვარი და ინტერვიუ ჩაატარ საქართველოს 11 მუნიციპალიტეტის წარმომადგენლებთან.
მონაცემების თანახმად, მუნიციპალიტეტების წარმომადგენლებს დადებითი დამოკიდებულება აქვთ ზრდასრულთა განათლების მიმართ, საუბრობენ მის მნიშვნელობაზე და სურთ რომ დაესწრონ აღნიშნულ თემასთან დაკავშირებულ ტრენინგებს. თუმცა, შედეგებმა აჩვენა, რომ მათი ცოდნა ზრდასრულთა განათლების შესახებ არ არის სისტემური და უფრო მეტად ემყარება იმას თუ რა სმენიათ, ვიდრე იმას თუ რა უსწავლიათ. ასევე, მუნიციპალიტეტის წარმომადგენლებს არ აქვთ ინფორმაცია ზრდასრულთა განათლების პოლიტიკის დონეზე რეგულირებისა და მისი განხორციელების შესახებ. დაბოლოს, მუნიციპალიტეტის წარმომადგენლებისთვის ზემოთ აღნიშნული თემატიკა არ არის პრიორიტეტული და არ გეგმავენ ქმედითი ნაბიჯების გადადგმას ზრდასრულთა განათლების განვითარებისთვის.
კვლევის საბოლოო ანგარიშისთვის, გთხოვთ, იხილეთ პრეზენტაცია
უფრო სიღრმისეული დეტალებისთვის, იხილეთ კვლევა „რესურსების“ სექციაში.
საწყისი
ბეჭდვა