Për nder të 15 vjetorit të krijimit marrëdhënieve diplomatike të shtetit të Kosovës dhe Gjermanisë, ambasada Gjermane në Kosovë, me datë 20 Maj 2023 me fillim nga ora 13:00 – 18:00 në sheshin “Zahir Pajaziti” organizoi panairin “ 15 vjet marrëdhenie diplomatike mes Gjermanisë dhe Kosovës”.
Në panair morën pjesë organizatat Gjermane të cilat punojnë, veprojnë dhe kontribuojnë në Kosovë si mundësi e mjaftë e mirë për të prezentuar punën e tyre të vazhdueshme para qytetarëve, në bashkëpunim me partnerët tanë vendor.
Me ftesë nga ambasada Gjermane në Republikën e Kosovës, stafi I zyrës DVV International në Kosovë ishin të pranishëm gjatë tërë ditës në sheshin “Zahir Pajaziti” në Prishtinë, ku informuan qytetaterët e interesuar për detajet e organizatës dhe angazhimin në fushën e arsimit që nga viti 2005, ku me rendësi te vecantë theksuan se qëllimi i saj është të ndërtohet një sistem efikas dhe efektiv i arsimit për të rritur ne Kosove.
Sakaq, me anë te bisedave me kalimtar te shumtë, shpërndarjes së broshurave dhe botimeve të ndryshme I njoftuam ata nga afër se ndër pikat kryesore të punës së DVV International në Kosovë është trajnimi i mësimdhënësve në metodologjinë dhe didaktikën e Arsimit për të Rritur, me qëllim të kontribuimit në përmirësimin e cilësisë. DVV International në Kosovë gjithashtu mbështet përpjekjet kombëtare për të siguruar strategjitë e Arsimit për të Rritur në luftën kundër varfërisë.
Po ashtu, në panair morën pjesë edhe perfaqësues nga institucionet shtetërore, ndër ta dhe Kryeministri I Republikës së Kosovës, Z.Albin Kurti, I cili në emër të qytetarëve të Kosovës shprehu mirënjohjen e pafund dhe të vecantë për shtetin Gjerman dhe organizatat të cilat veprojnë dhe kontribuojnë në Kosovë, duke ndikuar kështu në mirëqenien dhe zhvillimin e vendit.