2021թ․ հուլիս-սեպտեմբեր ամիսներին կայացավ 12-շաբաթյա տևողությամբ «Մեծահասակների ուսումնառության և կրթության հիմունքներ. դասավանդման մեթոդաբանություն» դասընթացը։ Դասընթացի ընթացքում մասնակիցները ինքնուսուցման, առցանց և լսարանային հանդիպումների միջոցով ուսումնասիրեցին մեծահասակների կրթության մոտեցումները, դասավանդման առանձնահատկությունները, մեթոդները, խմբային դինամիկայի առանձնահատկությունները և այլն։ Դասընթացը հիմնված էր Curriculum GlobALE-ի մեթոդաբանության վրա, որը 2021թ․-ին UNESCO-ն երաշխավորել է որպես մեծահասակներին ուսուցանողների ռեսուրս և գործիք։
Դասընթացն ամփոփվեց 5-օրյա լսարանային հանդիպումներով, որոնց ընթացքում մասնակիցները ամրապնդեցին անցած թեմաների վերաբերյալ գործնական հմտությունները՝ դրանք ներառելով իրենց կողմից մշակված կրթական ծրագրերում: Բոլոր 14 մասնակիցները ստացան համապատասխան հավաստագրեր։