2018 წლის გივი მარგველაშვილის სახელობის პრემიის დაჯილდოების ადგილი გამორჩეული იყო. იგი ფრანკფურტის წიგნის ბაზრობაზე ქართულ პავილიონში გაიმართა. ღონისძიების ფარგლებში, ქართველ მწერალს, გერმანისტსა და მთარგმნელს ქ-ონ ნაირა გელაშვილს, ქართულ-გერმანული კულტურის გაღრმავებაში შეტანილი წვლილისათვის, გოეთეს ინსტიტუტისა და DVV International-ის საქართველოს ოფისის ერთობლივი პრემია გადაეცა.
ქ-ონი გელაშვილის მიღწევებზე ქართულ-გერმანულ ურთიერთობებში განსაკუთრებული ხაზგასმით ისაუბრა გერმანელმა გამომცემელმა, ბ-მა იორგ ზუნდერმაიერმა; თბილისში გოეთეს ინსტიტუტის ხელმძღვანელმა, ქ-მა ბარბარა ფონ მიუნჰაუზენმა და გერმანელ-ქართველმა ავტორმა და ფილოსოფოსმა, ბ-მა გივი მარგველაშვილმა, ვის სახელსაც ატარებს აღნიშნული პრემია. ბოლოს კი, DVV International-ის კავკასიის, თურქეთისა და სამხრეთ-აღმოსავლეთ ევროპის რეგიონულმა დირექტორმა, მაია ავრამოვსკამ საზეიმოდ გადასცა ჯილდო ქ-ონ ნაირა გელაშვილს. პრემიის გადაცემა ფრანკფურტის წიგნის ფესტივალის დამსწრეთა წინაშე მოხდა, რომელთა შორის იყო მისი აღმატებულება გერმანიის ელჩი საქართველოში, ბ-ნი ჰუბერთ ქნირში.
შემდეგი დაჯილდოება გერმანიის საელჩოს ხელშეწყობით, გაიმართება 18 დეკემბერს გოეთეს ინსტიტუტში, თბილისში. დაჯილდოებაზე სიტყვით გამოვლენ: კრიტიკოსი, ფილოლოგიის მეცნიერებათა დოქტორი, გერმანისტი, ბ-ნი ლევან ბრეგაძე და აღმოსავლეთმცოდნე, პოეტი და მთარგმნელი, ბ-ნი გიორგი ლობჟანიძე.