Më 07 maj 2024, DVV International, Komuna e Pejës dhe Organizata Joqeveritare Këshilli i Veprimit Rinor Lokal - Pejë (KVRL) nënshkruan një memorandum të mirëkuptimit për lansimin e Qendrës për arsimimin dhe edukimin e rinjëve dhe të rriturve, në komunën e Pejës, e cila do të funksionojë nën menaxhimin e OJQ - Këshilli i Veprimit Rinor Lokal – Pejë (KVRL).
Nënshkrimi i këtij memorandumi reflekton një përpjekje bashkëpunuese në mes të DVV International, qeverisjes lokale dhe OJQ KVRL- Pejë.
Kjo qendër do të jetë e dyta në vend, bazuar në modelin e shkollave popullore gjermane (VHS).
Në mënyrë të veçantë, qëllimi i këtij Memorandumi është të forcojë bashkëpunimin ndërmjet këtyre instucioneve për hapjen sa më të shpejtë të kësaj qendre, e cila do të ofrojë mundësi për angazhimin e të rinjëve dhe të rriturve në programe gjithëpërfshirëse të arsimit jo formal dhe formal, si dhe në kurse të akredituara, që mbulojnë fusha dhe formate të ndryshme.
Ndryshe, programet e kësaj qendre do të përfshijnë kurse të trajnimeve profesionale si: kurse për zhvillim personal, praktika për zhvillim të përgjithshëm, edukim qytetar, demokratik dhe kulturor,etj, me synimin për të ofruar një përvojë arsimore të pasur dhe të diversifikuar.